בלק

כב,ב וַיַּרְא בָּלָק, בֶּן-צִפּוֹר, אֵת כָּל-אֲשֶׁר-עָשָׂה יִשְׂרָאֵל, לָאֱמֹרִי.	וַחֲזָא בָּלָק, בַּר צִפּוֹר, יָת כָּל דַּעֲבַד יִשְׂרָאֵל, לֶאֱמוֹרָאָה.
כב,ג וַיָּגָר מוֹאָב מִפְּנֵי הָעָם, מְאֹד--כִּי רַב-הוּא; וַיָּקָץ מוֹאָב, מִפְּנֵי בְּנֵי יִשְׂרָאֵל.	וּדְחֵיל מוֹאֲבָאָה מִן קֳדָם עַמָּא, לַחְדָּא--אֲרֵי סַגִּי הוּא; וְעַקַת לְמוֹאֲבָאֵי, מִן קֳדָם בְּנֵי יִשְׂרָאֵל.
כב,ד וַיֹּאמֶר מוֹאָב אֶל-זִקְנֵי מִדְיָן, עַתָּה יְלַחֲכוּ הַקָּהָל אֶת-כָּל-סְבִיבֹתֵינוּ, כִּלְחֹךְ הַשּׁוֹר, אֵת יֶרֶק הַשָּׂדֶה; וּבָלָק בֶּן-צִפּוֹר מֶלֶךְ לְמוֹאָב, בָּעֵת הַהִוא.	וַאֲמַר מוֹאָב לְסָבֵי מִדְיָן, כְּעַן יְשֵׁיצוֹן קְהָלָא יָת כָּל סַחְרָנַנָא, כְּמָא דִּמְלָחֵיךְ תּוֹרָא, יָת יָרוֹקָא דְּחַקְלָא; וּבָלָק בַּר צִפּוֹר מַלְכָּא לְמוֹאָב, בְּעִדָּנָא הַהוּא.
כב,ה וַיִּשְׁלַח מַלְאָכִים אֶל-בִּלְעָם בֶּן-בְּעֹר, פְּתוֹרָה אֲשֶׁר עַל-הַנָּהָר אֶרֶץ בְּנֵי-עַמּוֹ--לִקְרֹא-לוֹ:  לֵאמֹר, הִנֵּה עַם יָצָא מִמִּצְרַיִם הִנֵּה כִסָּה אֶת-עֵין הָאָרֶץ, וְהוּא יֹשֵׁב, מִמֻּלִי.	וּשְׁלַח אִזְגַּדִּין לְוָת בִּלְעָם בַּר בְּעוֹר, לִפְתוֹר אֲרָם דְּעַל פְּרָת אֲרַע בְּנֵי עַמֵּיהּ--לְמִקְרֵי לֵיהּ:  לְמֵימַר, הָא עַמָּא נְפַק מִמִּצְרַיִם הָא חֲפָא יָת עֵין שִׁמְשָׁא דְּאַרְעָא, וְהוּא שָׁרֵי, מִלְּקִבְלִי.
כב,ו וְעַתָּה לְכָה-נָּא אָרָה-לִּי אֶת-הָעָם הַזֶּה, כִּי-עָצוּם הוּא מִמֶּנִּי--אוּלַי אוּכַל נַכֶּה-בּוֹ, וַאֲגָרְשֶׁנּוּ מִן-הָאָרֶץ:  כִּי יָדַעְתִּי, אֵת אֲשֶׁר-תְּבָרֵךְ מְבֹרָךְ, וַאֲשֶׁר תָּאֹר, יוּאָר.	וּכְעַן אֵיתַא כְּעַן לוּט לִי יָת עַמָּא הָדֵין, אֲרֵי תַּקִּיף הוּא מִנִּי--מָאִם אִכּוֹל לְאָגָחָא בֵּיהּ קְרָב, וַאֲתָרְכִנֵּיהּ מִן אַרְעָא:  אֲרֵי יָדַעְנָא, יָת דִּתְבָרֵיךְ מְבָרַךְ, וְדִתְלוּט, לִיט.
כב,ז וַיֵּלְכוּ זִקְנֵי מוֹאָב, וְזִקְנֵי מִדְיָן, וּקְסָמִים, בְּיָדָם; וַיָּבֹאוּ, אֶל-בִּלְעָם, וַיְדַבְּרוּ אֵלָיו, דִּבְרֵי בָלָק.	וַאֲזַלוּ סָבֵי מוֹאָב, וְסָבֵי מִדְיָן, וְקַסָמַיָּא, בִּידֵיהוֹן; וַאֲתוֹ, לְוָת בִּלְעָם, וּמַלִּילוּ עִמֵּיהּ, פִּתְגָמֵי בָּלָק.
כב,ח וַיֹּאמֶר אֲלֵיהֶם, לִינוּ פֹה הַלַּיְלָה, וַהֲשִׁבֹתִי אֶתְכֶם דָּבָר, כַּאֲשֶׁר יְדַבֵּר יְהוָה אֵלָי; וַיֵּשְׁבוּ שָׂרֵי-מוֹאָב, עִם-בִּלְעָם.	וַאֲמַר לְהוֹן, בִּיתוּ הָכָא בְּלֵילְיָא, וַאֲתֵיב יָתְכוֹן פִּתְגָמָא, כְּמָא דִּימַלֵּיל יְיָ עִמִּי; וְאוֹרִיכוּ רַבְרְבֵי מוֹאָב, עִם בִּלְעָם.
כב,ט וַיָּבֹא אֱלֹהִים, אֶל-בִּלְעָם; וַיֹּאמֶר, מִי הָאֲנָשִׁים הָאֵלֶּה עִמָּךְ.	וַאֲתָא מֵימַר מִן קֳדָם יְיָ, לְוָת בִּלְעָם; וַאֲמַר, מַאן גֻּבְרַיָּא הָאִלֵּין דְּעִמָּךְ.
כב,י וַיֹּאמֶר בִּלְעָם, אֶל-הָאֱלֹהִים:  בָּלָק בֶּן-צִפֹּר מֶלֶךְ מוֹאָב, שָׁלַח אֵלָי.	וַאֲמַר בִּלְעָם, קֳדָם יְיָ:  בָּלָק בַּר צִפּוֹר מַלְכָּא דְּמוֹאָב, שְׁלַח לְוָתִי.
כב,יא הִנֵּה הָעָם הַיֹּצֵא מִמִּצְרַיִם, וַיְכַס אֶת-עֵין הָאָרֶץ; עַתָּה, לְכָה קָבָה-לִּי אֹתוֹ--אוּלַי אוּכַל לְהִלָּחֶם בּוֹ, וְגֵרַשְׁתִּיו.	הָא עַמָּא דִּנְפַק מִמִּצְרַיִם, וַחֲפָא יָת עֵין שִׁמְשָׁא דְּאַרְעָא; כְּעַן, אֵיתַא לוּט לִי יָתֵיהּ--מָאִם אִכּוֹל לְאָגָחָא בֵּיהּ קְרָב, וַאֲתָרְכִנֵּיהּ.
כב,יב וַיֹּאמֶר אֱלֹהִים אֶל-בִּלְעָם, לֹא תֵלֵךְ עִמָּהֶם; לֹא תָאֹר אֶת-הָעָם, כִּי בָרוּךְ הוּא.	וַאֲמַר יְיָ לְבִלְעָם, לָא תֵּיזֵיל עִמְּהוֹן; לָא תְּלוּט יָת עַמָּא, אֲרֵי בְּרִיךְ הוּא.
כב,יג וַיָּקָם בִּלְעָם, בַּבֹּקֶר, וַיֹּאמֶר אֶל-שָׂרֵי בָלָק, לְכוּ אֶל-אַרְצְכֶם:  כִּי מֵאֵן יְהוָה, לְתִתִּי לַהֲלֹךְ עִמָּכֶם.	וְקָם בִּלְעָם, בְּצַפְרָא, וַאֲמַר לְרַבְרְבֵי בָּלָק, אִיזִילוּ לְאַרְעֲכוֹן:  אֲרֵי רַעֲוָא קֳדָם יְיָ, דְּלָא לְמִשְׁבְּקִי לְמֵיזַל עִמְּכוֹן.
כב,יד וַיָּקוּמוּ שָׂרֵי מוֹאָב, וַיָּבֹאוּ אֶל-בָּלָק; וַיֹּאמְרוּ, מֵאֵן בִּלְעָם הֲלֹךְ עִמָּנוּ.	וְקָמוּ רַבְרְבֵי מוֹאָב, וַאֲתוֹ לְוָת בָּלָק; וַאֲמַרוּ, סָרֵיב בִּלְעָם לְמֵיתֵי עִמַּנָא.
כב,טו וַיֹּסֶף עוֹד, בָּלָק, שְׁלֹחַ שָׂרִים, רַבִּים וְנִכְבָּדִים מֵאֵלֶּה.	וְאוֹסֵיף עוֹד, בָּלָק, שְׁלַח רַבְרְבִין, סַגִּיאִין וְיַקִּירִין מֵאִלֵּין.
כב,טז וַיָּבֹאוּ, אֶל-בִּלְעָם; וַיֹּאמְרוּ לוֹ, כֹּה אָמַר בָּלָק בֶּן-צִפּוֹר, אַל-נָא תִמָּנַע, מֵהֲלֹךְ אֵלָי.	וַאֲתוֹ, לְוָת בִּלְעָם; וַאֲמַרוּ לֵיהּ, כִּדְנָן אֲמַר בָּלָק בַּר צִפּוֹר, לָא כְּעַן תִּתְמְנַע, מִלְּמֵיתֵי לְוָתִי.
כב,יז כִּי-כַבֵּד אֲכַבֶּדְךָ מְאֹד, וְכֹל אֲשֶׁר-תֹּאמַר אֵלַי אֶעֱשֶׂה; וּלְכָה-נָּא, קָבָה-לִּי, אֵת, הָעָם הַזֶּה.	אֲרֵי יַקָּרָא אֲיַקְּרִנָּךְ לַחְדָּא, וְכֹל דְּתֵימַר לִי אַעֲבֵיד; וְאֵיתַא כְּעַן, לוּט לִי, יָת, עַמָּא הָדֵין.
כב,יח וַיַּעַן בִּלְעָם, וַיֹּאמֶר אֶל-עַבְדֵי בָלָק, אִם-יִתֶּן-לִי בָלָק מְלֹא בֵיתוֹ, כֶּסֶף וְזָהָב--לֹא אוּכַל, לַעֲבֹר אֶת-פִּי יְהוָה אֱלֹהָי, לַעֲשׂוֹת קְטַנָּה, אוֹ גְדוֹלָה.	וַאֲתֵיב בִּלְעָם, וַאֲמַר לְעַבְדֵי בָּלָק, אִם יִתֵּין לִי בָּלָק מְלֵי בֵּיתֵיהּ, כְּסַף וּדְהַב--לֵית לִי רְשׁוּ, לְמִעְבַּר עַל גְּזֵירַת מֵימְרָא דַּייָ אֱלָהִי, לְמֶעֱבַד זְעֵירְתָא, אוֹ רַבְּתָא.
כב,יט וְעַתָּה, שְׁבוּ נָא בָזֶה גַּם-אַתֶּם--הַלָּיְלָה; וְאֵדְעָה, מַה-יֹּסֵף יְהוָה דַּבֵּר עִמִּי.	וּכְעַן, אוֹרִיכוּ כְּעַן הָכָא אַף אַתּוּן--בְּלֵילְיָא; וְאֶדַּע, מָא יוֹסֵיף יְיָ לְמַלָּלָא עִמִּי.
כב,כ וַיָּבֹא אֱלֹהִים אֶל-בִּלְעָם, לַיְלָה, וַיֹּאמֶר לוֹ אִם-לִקְרֹא לְךָ בָּאוּ הָאֲנָשִׁים, קוּם לֵךְ אִתָּם; וְאַךְ, אֶת-הַדָּבָר אֲשֶׁר-אֲדַבֵּר אֵלֶיךָ--אֹתוֹ תַעֲשֶׂה.	וַאֲתָא מֵימַר מִן קֳדָם יְיָ לְוָת בִּלְעָם, בְּלֵילְיָא, וַאֲמַר לֵיהּ אִם לְמִקְרֵי לָךְ אֲתוֹ גֻּבְרַיָּא, קוּם אִיזֵיל עִמְּהוֹן; וּבְרַם, יָת פִּתְגָמָא דַּאֲמַלֵּיל עִמָּךְ--יָתֵיהּ תַּעֲבֵיד.
כב,כא וַיָּקָם בִּלְעָם בַּבֹּקֶר, וַיַּחֲבֹשׁ אֶת-אֲתֹנוֹ; וַיֵּלֶךְ, עִם-שָׂרֵי מוֹאָב.	וְקָם בִּלְעָם בְּצַפְרָא, וְזָרֵיז יָת אֲתָנֵיהּ; וַאֲזַל, עִם רַבְרְבֵי מוֹאָב.
כב,כב וַיִּחַר-אַף אֱלֹהִים, כִּי-הוֹלֵךְ הוּא, וַיִּתְיַצֵּב מַלְאַךְ יְהוָה בַּדֶּרֶךְ, לְשָׂטָן לוֹ; וְהוּא רֹכֵב עַל-אֲתֹנוֹ, וּשְׁנֵי נְעָרָיו עִמּוֹ.	וּתְקֵיף רֻגְזָא דַּייָ, אֲרֵי אָזֵיל הוּא, וְאִתְעַתַּד מַלְאֲכָא דַּייָ בְּאוֹרְחָא, לְסָטָן לֵיהּ; וְהוּא רָכֵיב עַל אֲתָנֵיהּ, וּתְרֵין עוּלֵימוֹהִי עִמֵּיהּ.
כב,כג וַתֵּרֶא הָאָתוֹן אֶת-מַלְאַךְ יְהוָה נִצָּב בַּדֶּרֶךְ, וְחַרְבּוֹ שְׁלוּפָה בְּיָדוֹ, וַתֵּט הָאָתוֹן מִן-הַדֶּרֶךְ, וַתֵּלֶךְ בַּשָּׂדֶה; וַיַּךְ בִּלְעָם אֶת-הָאָתוֹן, לְהַטֹּתָהּ הַדָּרֶךְ.	וַחֲזָת אֲתָנָא יָת מַלְאֲכָא דַּייָ מְעַתַּד בְּאוֹרְחָא, וְחַרְבֵּיהּ שְׁלִיפָא בִּידֵיהּ, וּסְטָת אֲתָנָא מִן אוֹרְחָא, וַאֲזַלַת בְּחַקְלָא; וּמְחָא בִּלְעָם יָת אֲתָנָא, לְאַסְטָיוּתַהּ לְאוֹרְחָא.
כב,כד וַיַּעֲמֹד מַלְאַךְ יְהוָה, בְּמִשְׁעוֹל הַכְּרָמִים--גָּדֵר מִזֶּה, וְגָדֵר מִזֶּה.	וְקָם מַלְאֲכָא דַּייָ, בְּשָׁבִיל כַּרְמַיָּא--אַתְרָא דְּגָדֵירָא מִכָּא, וְגָדֵירָא מִכָּא.
כב,כה וַתֵּרֶא הָאָתוֹן אֶת-מַלְאַךְ יְהוָה, וַתִּלָּחֵץ אֶל-הַקִּיר, וַתִּלְחַץ אֶת-רֶגֶל בִּלְעָם, אֶל-הַקִּיר; וַיֹּסֶף, לְהַכֹּתָהּ.	וַחֲזָת אֲתָנָא יָת מַלְאֲכָא דַּייָ, וְאִדְּחֵיקַת עִם כֻּתְלָא, וּדְחַקַת יָת רִגְלָא דְּבִלְעָם, לְכֻתְלָא; וְאוֹסֵיף, לְמִמְחַהּ.
כב,כו וַיּוֹסֶף מַלְאַךְ-יְהוָה, עֲבוֹר; וַיַּעֲמֹד בְּמָקוֹם צָר, אֲשֶׁר אֵין-דֶּרֶךְ לִנְטוֹת יָמִין וּשְׂמֹאול.	וְאוֹסֵיף מַלְאֲכָא דַּייָ, עֲבַר; וְקָם בַּאֲתַר עָק, דְּלֵית אוֹרַח לְמִסְטֵי לְיַמִּינָא וְלִסְמָאלָא.
כב,כז וַתֵּרֶא הָאָתוֹן אֶת-מַלְאַךְ יְהוָה, וַתִּרְבַּץ תַּחַת בִּלְעָם; וַיִּחַר-אַף בִּלְעָם, וַיַּךְ אֶת-הָאָתוֹן בַּמַּקֵּל.	וַחֲזָת אֲתָנָא יָת מַלְאֲכָא דַּייָ, וּרְבַעַת תְּחוֹת בִּלְעָם; וּתְקֵיף רֻגְזָא דְּבִלְעָם, וּמְחָא יָת אֲתָנָא בְּחֻטְרָא.
כב,כח וַיִּפְתַּח יְהוָה, אֶת-פִּי הָאָתוֹן; וַתֹּאמֶר לְבִלְעָם, מֶה-עָשִׂיתִי לְךָ, כִּי הִכִּיתַנִי, זֶה שָׁלֹשׁ רְגָלִים.	וּפְתַח יְיָ, יָת פֻּמָּא דַּאֲתָנָא; וַאֲמַרַת לְבִלְעָם, מָא עֲבַדִית לָךְ, אֲרֵי מְחֵיתַנִי, דְּנָן תְּלָת זִמְנִין.
כב,כט וַיֹּאמֶר בִּלְעָם לָאָתוֹן, כִּי הִתְעַלַּלְתְּ בִּי; לוּ יֶשׁ-חֶרֶב בְּיָדִי, כִּי עַתָּה הֲרַגְתִּיךְ.	וַאֲמַר בִּלְעָם לַאֲתָנָא, אֲרֵי חַיֵּיכְתְּ בִּי; אִלּוּ פּוֹן אִית חַרְבָּא בִּידִי, אֲרֵי כְּעַן קְטַלְתִּיךְ.
כב,ל וַתֹּאמֶר הָאָתוֹן אֶל-בִּלְעָם, הֲלוֹא אָנֹכִי אֲתֹנְךָ אֲשֶׁר-רָכַבְתָּ עָלַי מֵעוֹדְךָ עַד-הַיּוֹם הַזֶּה--הַהַסְכֵּן הִסְכַּנְתִּי, לַעֲשׂוֹת לְךָ כֹּה; וַיֹּאמֶר, לֹא.	וַאֲמַרַת אֲתָנָא לְבִלְעָם, הֲלָא אֲנָא אֲתָנָךְ דִּרְכֵיבְתְּ עֲלַי מִדְּאִיתָךְ עַד יוֹמָא הָדֵין--הֲמֵילָף אֲלֵיפְנָא, לְמֶעֱבַד לָךְ כְּדֵין; וַאֲמַר, לָא.
כב,לא וַיְגַל יְהוָה, אֶת-עֵינֵי בִלְעָם, וַיַּרְא אֶת-מַלְאַךְ יְהוָה נִצָּב בַּדֶּרֶךְ, וְחַרְבּוֹ שְׁלֻפָה בְּיָדוֹ; וַיִּקֹּד וַיִּשְׁתַּחוּ, לְאַפָּיו.	וּגְלָא יְיָ, יָת עֵינֵי בִּלְעָם, וַחֲזָא יָת מַלְאֲכָא דַּייָ מְעַתַּד בְּאוֹרְחָא, וְחַרְבֵּיהּ שְׁלִיפָא בִּידֵיהּ; וּכְרַע וּסְגֵיד, לְאַפּוֹהִי.
כב,לב וַיֹּאמֶר אֵלָיו, מַלְאַךְ יְהוָה, עַל-מָה הִכִּיתָ אֶת-אֲתֹנְךָ, זֶה שָׁלוֹשׁ רְגָלִים; הִנֵּה אָנֹכִי יָצָאתִי לְשָׂטָן, כִּי-יָרַט הַדֶּרֶךְ לְנֶגְדִּי.	וַאֲמַר לֵיהּ, מַלְאֲכָא דַּייָ, עַל מָא מְחֵיתָא יָת אֲתָנָךְ, דְּנָן תְּלָת זִמְנִין; הָא אֲנָא נְפַקִית לְסָטָן, אֲרֵי גְּלֵי קֳדָמַי דְּאַתְּ רָעֵי לְמֵיזַל בְּאוֹרְחָא לְקִבְלִי.
כב,לג וַתִּרְאַנִי, הָאָתוֹן, וַתֵּט לְפָנַי, זֶה שָׁלֹשׁ רְגָלִים; אוּלַי נָטְתָה מִפָּנַי, כִּי עַתָּה גַּם-אֹתְכָה הָרַגְתִּי וְאוֹתָהּ הֶחֱיֵיתִי.	וַחֲזָתְנִי, אֲתָנָא, וּסְטָת מִן קֳדָמַי, דְּנָן תְּלָת זִמְנִין; אִלּוּ פּוֹן לָא סְטָת מִן קֳדָמַי, אֲרֵי כְּעַן אַף יָתָךְ קְטַלִית וְיָתַהּ קַיֵּימִית.
כב,לד וַיֹּאמֶר בִּלְעָם אֶל-מַלְאַךְ יְהוָה, חָטָאתִי--כִּי לֹא יָדַעְתִּי, כִּי אַתָּה נִצָּב לִקְרָאתִי בַּדָּרֶךְ; וְעַתָּה אִם-רַע בְּעֵינֶיךָ, אָשׁוּבָה לִּי.	וַאֲמַר בִּלְעָם לְמַלְאֲכָא דַּייָ, חַבִית--אֲרֵי לָא יְדַעִית, אֲרֵי אַתְּ מְעַתַּד לְקַדָּמוּתִי בְּאוֹרְחָא; וּכְעַן אִם בִּישׁ בְּעֵינָךְ, אֲתוּב לִי.
כב,לה וַיֹּאמֶר מַלְאַךְ יְהוָה אֶל-בִּלְעָם, לֵךְ עִם-הָאֲנָשִׁים, וְאֶפֶס אֶת-הַדָּבָר אֲשֶׁר-אֲדַבֵּר אֵלֶיךָ, אֹתוֹ תְדַבֵּר; וַיֵּלֶךְ בִּלְעָם, עִם-שָׂרֵי בָלָק.	וַאֲמַר מַלְאֲכָא דַּייָ לְבִלְעָם, אִיזֵיל עִם גֻּבְרַיָּא, וּבְרַם יָת פִּתְגָמָא דַּאֲמַלֵּיל עִמָּךְ, יָתֵיהּ תְּמַלֵּיל; וַאֲזַל בִּלְעָם, עִם רַבְרְבֵי בָּלָק.
כב,לו וַיִּשְׁמַע בָּלָק, כִּי בָא בִלְעָם; וַיֵּצֵא לִקְרָאתוֹ אֶל-עִיר מוֹאָב, אֲשֶׁר עַל-גְּבוּל אַרְנֹן, אֲשֶׁר, בִּקְצֵה הַגְּבוּל.	וּשְׁמַע בָּלָק, אֲרֵי אֲתָא בִּלְעָם; וּנְפַק לְקַדָּמוּתֵיהּ לְקַרְתָּא דְּמוֹאָב, דְּעַל תְּחוּם אַרְנוֹן--דְּבִסְטַר תְּחוּמָא.
כב,לז וַיֹּאמֶר בָּלָק אֶל-בִּלְעָם, הֲלֹא שָׁלֹחַ שָׁלַחְתִּי אֵלֶיךָ לִקְרֹא-לָךְ--לָמָּה לֹא-הָלַכְתָּ, אֵלָי; הַאֻמְנָם, לֹא אוּכַל כַּבְּדֶךָ.	וַאֲמַר בָּלָק לְבִלְעָם, הֲלָא מִשְׁלָח שְׁלַחִית לְוָתָךְ לְמִקְרֵי לָךְ--לְמָא לָא אֲתֵיתָא, לְוָתִי; הַבְּקֻשְׁטָא הֲוֵיתָא אָמַר, לֵית אֲנָא יָכֵיל לְיַקָּרוּתָךְ.
כב,לח וַיֹּאמֶר בִּלְעָם אֶל-בָּלָק, הִנֵּה-בָאתִי אֵלֶיךָ--עַתָּה, הֲיָכֹל אוּכַל דַּבֵּר מְאוּמָה:  הַדָּבָר, אֲשֶׁר יָשִׂים אֱלֹהִים בְּפִי--אֹתוֹ אֲדַבֵּר.	וַאֲמַר בִּלְעָם לְבָלָק, הָא אֲתֵיתִי לְוָתָךְ--כְּעַן, הֲמֵיכָל יָכֵילְנָא לְמַלָּלָא מִדָּעַם:  פִּתְגָמָא, דִּישַׁוֵּי יְיָ בְּפֻמִּי--יָתֵיהּ אֲמַלֵּיל.
כב,לט וַיֵּלֶךְ בִּלְעָם, עִם-בָּלָק; וַיָּבֹאוּ, קִרְיַת חֻצוֹת.	וַאֲזַל בִּלְעָם, עִם בָּלָק; וְאַעֲלֵיהּ, לְקִרְיַת מָחוֹזוֹהִי.
כב,מ וַיִּזְבַּח בָּלָק, בָּקָר וָצֹאן; וַיְשַׁלַּח לְבִלְעָם, וְלַשָּׂרִים אֲשֶׁר אִתּוֹ.	וּנְכַס בָּלָק, תּוֹרִין וְעָן; וְשַׁלַּח לְבִלְעָם, וּלְרַבְרְבַיָּא דְּעִמֵּיהּ.
כב,מא וַיְהִי בַבֹּקֶר--וַיִּקַּח בָּלָק אֶת-בִּלְעָם, וַיַּעֲלֵהוּ בָּמוֹת בָּעַל; וַיַּרְא מִשָּׁם, קְצֵה הָעָם.	וַהֲוָה בְּצַפְרָא--וּדְבַר בָּלָק יָת בִּלְעָם, וְאַסְּקֵיהּ לְרָמַת דַּחְלְתֵיהּ; וַחֲזָא מִתַּמָּן, קְצָת מִן עַמָּא.
כג,א וַיֹּאמֶר בִּלְעָם אֶל-בָּלָק, בְּנֵה-לִי בָזֶה שִׁבְעָה מִזְבְּחֹת; וְהָכֵן לִי בָּזֶה, שִׁבְעָה פָרִים וְשִׁבְעָה אֵילִים.	וַאֲמַר בִּלְעָם לְבָלָק, בְּנֵי לִי הָכָא שִׁבְעָא מַדְבְּחִין; וְאַתְקֵין לִי הָכָא, שִׁבְעָא תּוֹרִין וְשִׁבְעָא דִּכְרִין.
כג,ב וַיַּעַשׂ בָּלָק, כַּאֲשֶׁר דִּבֶּר בִּלְעָם; וַיַּעַל בָּלָק וּבִלְעָם פָּר וָאַיִל, בַּמִּזְבֵּחַ.	וַעֲבַד בָּלָק, כְּמָא דְּמַלֵּיל בִּלְעָם; וְאַסֵּיק בָּלָק וּבִלְעָם תּוֹר וּדְכַר, עַל כָּל מַדְבַּח.
כג,ג וַיֹּאמֶר בִּלְעָם לְבָלָק, הִתְיַצֵּב עַל-עֹלָתֶךָ, וְאֵלְכָה אוּלַי יִקָּרֵה יְהוָה לִקְרָאתִי, וּדְבַר מַה-יַּרְאֵנִי וְהִגַּדְתִּי לָךְ; וַיֵּלֶךְ, שֶׁפִי.	וַאֲמַר בִּלְעָם לְבָלָק, אִתְעַתַּד עַל עֲלָתָךְ, וַאֲהָךְ מָאִם יְעָרַע מֵימַר מִן קֳדָם יְיָ לְקַדָּמוּתִי, וּפִתְגָמָא דְּיַחְזֵינַנִי וַאֲחַוֵּי לָךְ; וַאֲזַל, יְחִידָאי.
כג,ד וַיִּקָּר אֱלֹהִים, אֶל-בִּלְעָם; וַיֹּאמֶר אֵלָיו, אֶת-שִׁבְעַת הַמִּזְבְּחֹת עָרַכְתִּי, וָאַעַל פָּר וָאַיִל, בַּמִּזְבֵּחַ.	וְעָרַע מֵימַר מִן קֳדָם יְיָ, בְּבִלְעָם; וַאֲמַר קֳדָמוֹהִי, יָת שִׁבְעָא מַדְבְּחִין סַדַּרִית, וְאַסֵּיקִית תּוֹר וּדְכַר, עַל כָּל מַדְבַּח.
כג,ה וַיָּשֶׂם יְהוָה דָּבָר, בְּפִי בִלְעָם; וַיֹּאמֶר שׁוּב אֶל-בָּלָק, וְכֹה תְדַבֵּר.	וְשַׁוִּי יְיָ פִּתְגָמָא, בְּפֻמָּא דְּבִלְעָם; וַאֲמַר תּוּב לְוָת בָּלָק, וּכְדֵין תְּמַלֵּיל.
כג,ו וַיָּשָׁב אֵלָיו, וְהִנֵּה נִצָּב עַל-עֹלָתוֹ--הוּא, וְכָל-שָׂרֵי מוֹאָב.	וְתָב לְוָתֵיהּ, וְהָא מְעַתַּד עַל עֲלָתֵיהּ--הוּא, וְכָל רַבְרְבֵי מוֹאָב.
כג,ז וַיִּשָּׂא מְשָׁלוֹ, וַיֹּאמַר:  מִן-אֲרָם יַנְחֵנִי בָלָק מֶלֶךְ-מוֹאָב, מֵהַרְרֵי-קֶדֶם--לְכָה אָרָה-לִּי יַעֲקֹב, וּלְכָה זֹעֲמָה יִשְׂרָאֵל.	וּנְטַל מַתְלֵיהּ, וַאֲמַר:  מִן אֲרַם דַּבְּרַנִי בָּלָק מַלְכָּא דְּמוֹאָב, מִטּוּרֵי מַדְנְחָא--אֵיתַא לוּט לִי יַעֲקוֹב, וְאֵיתַא תָּרֵיךְ לִי יִשְׂרָאֵל.
כג,ח מָה אֶקֹּב, לֹא קַבֹּה אֵל; וּמָה אֶזְעֹם, לֹא זָעַם יְהוָה.	מָא אֲלוּטֵיהּ, דְּלָא לָטֵיהּ אֵל; וּמָא אֲתָרְכֵיהּ, דְּלָא תָּרְכֵיהּ יְיָ.
כג,ט כִּי-מֵרֹאשׁ צֻרִים אֶרְאֶנּוּ, וּמִגְּבָעוֹת אֲשׁוּרֶנּוּ:  הֶן-עָם לְבָדָד יִשְׁכֹּן, וּבַגּוֹיִם לֹא יִתְחַשָּׁב.	אֲרֵי מֵרֵישׁ טוּרַיָּא חֲזֵיתֵיהּ, וּמֵרָמָתָא סְכֵיתֵיהּ:  הָא עַמָּא בִּלְחוֹדֵיהוֹן עֲתִידִין דְּיַחְסְנוּן עָלְמָא, וּבְעַמְמַיָּא לָא יִתְּדָנוּן גְּמִירָא.
כג,י מִי מָנָה עֲפַר יַעֲקֹב, וּמִסְפָּר אֶת-רֹבַע יִשְׂרָאֵל; תָּמֹת נַפְשִׁי מוֹת יְשָׁרִים, וּתְהִי אַחֲרִיתִי כָּמֹהוּ.	מַאן יִכּוֹל לְמִמְנֵי דַּעְדְּקַיָּא דְּבֵית יַעֲקוֹב דַּאֲמִיר עֲלֵיהוֹן יִסְגּוֹן כְּעַפְרָא דְּאַרְעָא, אוֹ חֲדָא מֵאַרְבַּע מַשְׁרְיָתָא דְּיִשְׂרָאֵל; תְּמוּת נַפְשִׁי מוֹתָא דְּקַשִּׁיטוֹהִי, וִיהֵי סוֹפִי כְּוָתְהוֹן.
כג,יא וַיֹּאמֶר בָּלָק אֶל-בִּלְעָם, מֶה עָשִׂיתָ לִי:  לָקֹב אֹיְבַי לְקַחְתִּיךָ, וְהִנֵּה בֵּרַכְתָּ בָרֵךְ.	וַאֲמַר בָּלָק לְבִלְעָם, מָא עֲבַדְתְּ לִי:  לִמְלָט סָנְאַי דְּבַרְתָּךְ, וְהָא בָּרָכָא מְבָרֵיכְתְּ לְהוֹן.
כג,יב וַיַּעַן, וַיֹּאמַר:  הֲלֹא, אֵת אֲשֶׁר יָשִׂים יְהוָה בְּפִי--אֹתוֹ אֶשְׁמֹר, לְדַבֵּר.	וַאֲתֵיב, וַאֲמַר:  הֲלָא, יָת דִּישַׁוֵּי יְיָ בְּפֻמִּי--יָתֵיהּ אֶטַּר, לְמַלָּלָא.
כג,יג וַיֹּאמֶר אֵלָיו בָּלָק, לְךָ-נָּא אִתִּי אֶל-מָקוֹם אַחֵר אֲשֶׁר תִּרְאֶנּוּ מִשָּׁם--אֶפֶס קָצֵהוּ תִרְאֶה, וְכֻלּוֹ לֹא תִרְאֶה; וְקָבְנוֹ-לִי, מִשָּׁם.	וַאֲמַר לֵיהּ בָּלָק, אֵיתַא כְּעַן עִמִּי לַאֲתַר אָחֳרָן דְּתִחְזֵינֵיהּ מִתַּמָּן--לְחוֹד קְצָתֵיהּ תִּחְזֵי, וְכֻלֵּיהּ לָא תִּחְזֵי; וּתְלוּטֵיהּ לִי, מִתַּמָּן.
כג,יד וַיִּקָּחֵהוּ שְׂדֵה צֹפִים, אֶל-רֹאשׁ הַפִּסְגָּה; וַיִּבֶן שִׁבְעָה מִזְבְּחֹת, וַיַּעַל פָּר וָאַיִל בַּמִּזְבֵּחַ.	וְדַבְרֵיהּ לַחֲקַל סָכוּתָא, לְרֵישׁ רָמְתָא; וּבְנָא שִׁבְעָא מַדְבְּחִין, וְאַסֵּיק תּוֹר וּדְכַר עַל כָּל מַדְבַּח.
כג,טו וַיֹּאמֶר, אֶל-בָּלָק, הִתְיַצֵּב כֹּה, עַל-עֹלָתֶךָ; וְאָנֹכִי, אִקָּרֶה כֹּה.	וַאֲמַר, לְבָלָק, אִתְעַתַּד הָכָא, עַל עֲלָתָךְ; וַאֲנָא, אֶתְמְטֵי עַד כָּא.
כג,טז וַיִּקָּר יְהוָה אֶל-בִּלְעָם, וַיָּשֶׂם דָּבָר בְּפִיו; וַיֹּאמֶר שׁוּב אֶל-בָּלָק, וְכֹה תְדַבֵּר.	וְעָרַע מֵימַר מִן קֳדָם יְיָ בְּבִלְעָם, וְשַׁוֵּי פִּתְגָמָא בְּפֻמֵּיהּ; וַאֲמַר תּוּב לְוָת בָּלָק, וּכְדֵין תְּמַלֵּיל.
כג,יז וַיָּבֹא אֵלָיו, וְהִנּוֹ נִצָּב עַל-עֹלָתוֹ, וְשָׂרֵי מוֹאָב, אִתּוֹ; וַיֹּאמֶר לוֹ בָּלָק, מַה-דִּבֶּר יְהוָה.	וַאֲתָא לְוָתֵיהּ, וְהָא מְעַתַּד עַל עֲלָתֵיהּ, וְרַבְרְבֵי מוֹאָב, עִמֵּיהּ; וַאֲמַר לֵיהּ בָּלָק, מָא מַלֵּיל יְיָ.
כג,יח וַיִּשָּׂא מְשָׁלוֹ, וַיֹּאמַר:  קוּם בָּלָק וּשְׁמָע, הַאֲזִינָה עָדַי בְּנוֹ צִפֹּר.	וּנְטַל מַתְלֵיהּ, וַאֲמַר:  קוּם בָּלָק וּשְׁמַע, אַצֵּית לְמֵימְרִי בַּר צִפּוֹר.
כג,יט לֹא אִישׁ אֵל וִיכַזֵּב, וּבֶן-אָדָם וְיִתְנֶחָם; הַהוּא אָמַר וְלֹא יַעֲשֶׂה, וְדִבֶּר וְלֹא יְקִימֶנָּה.	לָא כְּמִלֵּי בְּנֵי אֲנָשָׁא מֵימַר אֱלָהָא, בְּנֵי אֲנָשָׁא אָמְרִין וּמְכַדְּבִין, וְאַף לָא כְּעוּבָדֵי בְּנֵי בִּסְרָא, דְּאִנּוּן גָּזְרִין לְמֶעֱבַד תָּיְבִין וּמִתְמַלְכִין; הוּא אָמַר וְעָבֵיד, וְכָל מֵימְרֵיהּ מִתְקַיַּם.
כג,כ הִנֵּה בָרֵךְ, לָקָחְתִּי; וּבֵרֵךְ, וְלֹא אֲשִׁיבֶנָּה.	הָא בִּרְכָן, קַבֵּילִית; אֲבָרְכִנֵּיהּ לְיִשְׂרָאֵל, וְלָא אֲתִיב בִּרְכְתִי מִנְּהוֹן.
כג,כא לֹא-הִבִּיט אָוֶן בְּיַעֲקֹב, וְלֹא-רָאָה עָמָל בְּיִשְׂרָאֵל; יְהוָה אֱלֹהָיו עִמּוֹ, וּתְרוּעַת מֶלֶךְ בּוֹ.	אִסְתַּכַּלִית וְלֵית פָּלְחֵי גִּלּוּלִין בִּדְבֵית יַעֲקוֹב, וְאַף לָא עָבְדֵי לֵיאוּת שְׁקַר בְּיִשְׂרָאֵל; מֵימְרָא דַּייָ אֱלָהֲהוֹן בְּסַעְדְּהוֹן, וּשְׁכִינַת מַלְכְּהוֹן בֵּינֵיהוֹן.
כג,כב אֵל, מוֹצִיאָם מִמִּצְרָיִם--כְּתוֹעֲפֹת רְאֵם, לוֹ.	אֵל, דְּאַפֵּיקִנּוּן מִמִּצְרָיִם--תֻּקְפָא וְרוּמָא, דִּילֵיהּ.
כג,כג כִּי לֹא-נַחַשׁ בְּיַעֲקֹב, וְלֹא-קֶסֶם בְּיִשְׂרָאֵל; כָּעֵת, יֵאָמֵר לְיַעֲקֹב וּלְיִשְׂרָאֵל, מַה-פָּעַל, אֵל.	אֲרֵי לָא נַחָשַׁיָּא צָבַן דְּיִיטַב לִדְבֵית יַעֲקוֹב, וְאַף לָא קַסָמַיָּא רָעַן בִּרְבוּת בֵּית יִשְׂרָאֵל; כְּעִדָּן, יִתְאֲמַר לְיַעֲקוֹב וּלְיִשְׂרָאֵל, מָא עֲבַד, אֱלָהָא.
כג,כד הֶן-עָם כְּלָבִיא יָקוּם, וְכַאֲרִי יִתְנַשָּׂא; לֹא יִשְׁכַּב עַד-יֹאכַל טֶרֶף, וְדַם-חֲלָלִים יִשְׁתֶּה.	הָא עַמָּא כְּלֵיתָא שְׁרֵי, וּכְאַרְיָא יִתְנַטַּל; לָא יִשְׁרֵי בְּאַרְעֵיהּ עַד דְּיִקְטוֹל קְטוֹל, וְנִכְסֵי עַמְמַיָּא יֵירַת.
כג,כה וַיֹּאמֶר בָּלָק אֶל-בִּלְעָם, גַּם-קֹב לֹא תִקֳּבֶנּוּ; גַּם-בָּרֵךְ, לֹא תְבָרְכֶנּוּ.	וַאֲמַר בָּלָק לְבִלְעָם, אַף מְלָט לָא תְּלוּטִנּוּן; אַף בָּרָכָא, לָא תְּבָרֵיכִנּוּן.
כג,כו וַיַּעַן בִּלְעָם, וַיֹּאמֶר אֶל-בָּלָק:  הֲלֹא, דִּבַּרְתִּי אֵלֶיךָ לֵאמֹר, כֹּל אֲשֶׁר-יְדַבֵּר יְהוָה, אֹתוֹ אֶעֱשֶׂה.	וַאֲתֵיב בִּלְעָם, וַאֲמַר לְבָלָק:  הֲלָא, מַלֵּילִית עִמָּךְ לְמֵימַר, כֹּל דִּימַלֵּיל יְיָ, יָתֵיהּ אַעֲבֵיד.
כג,כז וַיֹּאמֶר בָּלָק, אֶל-בִּלְעָם, לְכָה-נָּא אֶקָּחֲךָ, אֶל-מָקוֹם אַחֵר; אוּלַי יִישַׁר בְּעֵינֵי הָאֱלֹהִים, וְקַבֹּתוֹ לִי מִשָּׁם.	וַאֲמַר בָּלָק, לְבִלְעָם, אֵיתַא כְּעַן אֶדְבְּרִנָּךְ, לַאֲתַר אָחֳרָן; מָאִם תְּהֵי רַעֲוָא מִן קֳדָם יְיָ, וּתְלוּטֵיהּ לִי מִתַּמָּן.
כג,כח וַיִּקַּח בָּלָק, אֶת-בִּלְעָם, רֹאשׁ הַפְּעוֹר, הַנִּשְׁקָף עַל-פְּנֵי הַיְשִׁימֹן.	וּדְבַר בָּלָק, יָת בִּלְעָם, רֵישׁ רָמְתָא, דְּמִסְתַּכְיָא עַל אַפֵּי בֵּית יְשִׁימוֹן.
כג,כט וַיֹּאמֶר בִּלְעָם אֶל-בָּלָק, בְּנֵה-לִי בָזֶה שִׁבְעָה מִזְבְּחֹת; וְהָכֵן לִי בָּזֶה, שִׁבְעָה פָרִים וְשִׁבְעָה אֵילִם.	וַאֲמַר בִּלְעָם לְבָלָק, בְּנֵי לִי הָכָא שִׁבְעָא מַדְבְּחִין; וְאַתְקֵין לִי הָכָא, שִׁבְעָא תּוֹרִין וְשִׁבְעָא דִּכְרִין.
כג,ל וַיַּעַשׂ בָּלָק, כַּאֲשֶׁר אָמַר בִּלְעָם; וַיַּעַל פָּר וָאַיִל, בַּמִּזְבֵּחַ.	וַעֲבַד בָּלָק, כְּמָא דַּאֲמַר בִּלְעָם; וְאַסֵּיק תּוֹר וּדְכַר, עַל כָּל מַדְבַּח.
כד,א וַיַּרְא בִּלְעָם, כִּי טוֹב בְּעֵינֵי יְהוָה לְבָרֵךְ אֶת-יִשְׂרָאֵל, וְלֹא-הָלַךְ כְּפַעַם-בְּפַעַם, לִקְרַאת נְחָשִׁים; וַיָּשֶׁת אֶל-הַמִּדְבָּר, פָּנָיו.	וַחֲזָא בִּלְעָם, אֲרֵי תָּקֵין קֳדָם יְיָ לְבָרָכָא יָת יִשְׂרָאֵל, וְלָא הַלֵּיךְ כִּזְמַן בִּזְמַן, אֱלָהֵין לְקַדָּמוּת נַחָשַׁיָּא; וְשַׁוִּי לְמַדְבְּרָא, אַפּוֹהִי.
כד,ב וַיִּשָּׂא בִלְעָם אֶת-עֵינָיו, וַיַּרְא אֶת-יִשְׂרָאֵל, שֹׁכֵן, לִשְׁבָטָיו; וַתְּהִי עָלָיו, רוּחַ אֱלֹהִים.	וּזְקַף בִּלְעָם יָת עֵינוֹהִי, וַחֲזָא יָת יִשְׂרָאֵל, שָׁרַן, לְשִׁבְטֵיהוֹן; וּשְׁרָת עֲלוֹהִי, רוּחַ נְבוּאָה מִן קֳדָם יְיָ.
כד,ג וַיִּשָּׂא מְשָׁלוֹ, וַיֹּאמַר:  נְאֻם בִּלְעָם בְּנוֹ בְעֹר, וּנְאֻם הַגֶּבֶר שְׁתֻם הָעָיִן.	וּנְטַל מַתְלֵיהּ, וַאֲמַר:  אֵימַר בִּלְעָם בַּר בְּעוֹר, וְאֵימַר גֻּבְרָא דְּשַׁפִּיר חָזֵי.
כד,ד נְאֻם--שֹׁמֵעַ, אִמְרֵי-אֵל:  אֲשֶׁר מַחֲזֵה שַׁדַּי יֶחֱזֶה, נֹפֵל וּגְלוּי עֵינָיִם.	אֵימַר--דְּשָׁמַע, מֵימַר מִן קֳדָם אֵל:  דְּחֵיזוּ מִן קֳדָם שַׁדַּי חָזֵי, שָׁכֵיב וּמִתְגְּלֵי לֵיהּ.
כד,ה מַה-טֹּבוּ אֹהָלֶיךָ, יַעֲקֹב; מִשְׁכְּנֹתֶיךָ, יִשְׂרָאֵל.	מָא טָבָא אַרְעָךְ, יַעֲקוֹב; בֵּית מִשְׁרָךְ, יִשְׂרָאֵל.
כד,ו כִּנְחָלִים נִטָּיוּ, כְּגַנֹּת עֲלֵי נָהָר; כַּאֲהָלִים נָטַע יְהוָה, כַּאֲרָזִים עֲלֵי-מָיִם.	כְּנַחְלִין דְּמִדַּבְּרִין, כְּגִנַּת שִׁקְיָא דְּעַל פְּרָת; כְּבֻסְמַיָּא דִּנְצַב יְיָ, כְּאַרְזִין דִּנְצִיבִין עַל מַיָּא.
כד,ז יִזַּל-מַיִם מִדָּלְיָו, וְזַרְעוֹ בְּמַיִם רַבִּים; וְיָרֹם מֵאֲגַג מַלְכּוֹ, וְתִנַּשֵּׂא מַלְכֻתוֹ.	יִסְגֵּי מַלְכָּא דְּיִתְרַבַּא מִבְּנוֹהִי, וְיִשְׁלוֹט בְּעַמְמִין סַגִּיאִין; וְיִתַּקַּף מֵאֲגַג מַלְכֵּיהּ, וְתִנַּטַּל מַלְכוּתֵיהּ.
כד,ח אֵל מוֹצִיאוֹ מִמִּצְרַיִם, כְּתוֹעֲפֹת רְאֵם לוֹ; יֹאכַל גּוֹיִם צָרָיו, וְעַצְמֹתֵיהֶם יְגָרֵם--וְחִצָּיו יִמְחָץ.	אֵל דְּאַפֵּיקִנּוּן מִמִּצְרַיִם, תֻּקְפָא וְרוּמָא דִּילֵיהּ; יֵיכְלוּן בֵּית יִשְׂרָאֵל נִכְסֵי עַמְמַיָּא סָנְאֵיהוֹן, וּבְבִזַּת מַלְכֵיהוֹן יִתְפַּנְּקוּן--וְאַרְעָתְהוֹן יַחְסְנוּן.
כד,ט כָּרַע שָׁכַב כַּאֲרִי וּכְלָבִיא, מִי יְקִימֶנּוּ; מְבָרְכֶיךָ בָרוּךְ, וְאֹרְרֶיךָ אָרוּר.	יְנוּחַ יִשְׁרֵי בִּתְקוֹף כְּאַרְיָא וּכְלֵיתָא, וְלֵית דִּיקִימִנֵּיהּ; בְּרִיכָךְ יְהוֹן בְּרִיכִין, וְלִיטָךְ יְהוֹן לִיטִין.
כד,י וַיִּחַר-אַף בָּלָק אֶל-בִּלְעָם, וַיִּסְפֹּק אֶת-כַּפָּיו; וַיֹּאמֶר בָּלָק אֶל-בִּלְעָם, לָקֹב אֹיְבַי קְרָאתִיךָ, וְהִנֵּה בֵּרַכְתָּ בָרֵךְ, זֶה שָׁלֹשׁ פְּעָמִים.	וּתְקֵיף רֻגְזָא דְּבָלָק בְּבִלְעָם, וּשְׁקַפִנּוּן לִידוֹהִי; וַאֲמַר בָּלָק לְבִלְעָם, לִמְלָט סָנְאַי קְרֵיתָךְ, וְהָא בָּרָכָא מְבָרֵיכְתְּ לְהוֹן, דְּנָן תְּלָת זִמְנִין.
כד,יא וְעַתָּה, בְּרַח-לְךָ אֶל-מְקוֹמֶךָ; אָמַרְתִּי כַּבֵּד אֲכַבֶּדְךָ, וְהִנֵּה מְנָעֲךָ יְהוָה מִכָּבוֹד.	וּכְעַן, אִיזֵיל לָךְ לְאַתְרָךְ; אֲמַרִית יַקָּרָא אֲיַקְּרִנָּךְ, וְהָא מַנְעָךְ יְיָ מִן יְקָר.
כד,יב וַיֹּאמֶר בִּלְעָם, אֶל-בָּלָק:  הֲלֹא, גַּם אֶל-מַלְאָכֶיךָ אֲשֶׁר-שָׁלַחְתָּ אֵלַי--דִּבַּרְתִּי לֵאמֹר.	וַאֲמַר בִּלְעָם, לְבָלָק:  הֲלָא, אַף עִם אִזְגַּדָּךְ דִּשְׁלַחְתָּא לְוָתִי--מַלֵּילִית לְמֵימַר.
כד,יג אִם-יִתֶּן-לִי בָלָק מְלֹא בֵיתוֹ, כֶּסֶף וְזָהָב--לֹא אוּכַל לַעֲבֹר אֶת-פִּי יְהוָה, לַעֲשׂוֹת טוֹבָה אוֹ רָעָה מִלִּבִּי:  אֲשֶׁר-יְדַבֵּר יְהוָה, אֹתוֹ אֲדַבֵּר.	אִם יִתֵּין לִי בָּלָק מְלֵי בֵּיתֵיהּ, כְּסַף וּדְהַב--לֵית לִי רְשׁוּ לְמִעְבַּר עַל גְּזֵירַת מֵימְרָא דַּייָ, לְמֶעֱבַד טָבְתָא אוֹ בִּשְׁתָּא מֵרְעוּתִי:  דִּימַלֵּיל יְיָ, יָתֵיהּ אֲמַלֵּיל.
כד,יד וְעַתָּה, הִנְנִי הוֹלֵךְ לְעַמִּי; לְכָה, אִיעָצְךָ, אֲשֶׁר יַעֲשֶׂה הָעָם הַזֶּה לְעַמְּךָ, בְּאַחֲרִית הַיָּמִים.	וּכְעַן, הָאֲנָא אָזֵיל לְעַמִּי; אֵיתַא, אֶמְלְכִנָּךְ מָא דְּתַעֲבֵיד, וַאֲחַוֵּי לָךְ מָא דְּיַעֲבֵיד עַמָּא הָדֵין לְעַמָּךְ, בְּסוֹף יוֹמַיָּא.
כד,טו וַיִּשָּׂא מְשָׁלוֹ, וַיֹּאמַר:  נְאֻם בִּלְעָם בְּנוֹ בְעֹר, וּנְאֻם הַגֶּבֶר שְׁתֻם הָעָיִן.	וּנְטַל מַתְלֵיהּ, וַאֲמַר:  אֵימַר בִּלְעָם בַּר בְּעוֹר, וְאֵימַר גֻּבְרָא דְּשַׁפִּיר חָזֵי.
כד,טז נְאֻם, שֹׁמֵעַ אִמְרֵי-אֵל, וְיֹדֵעַ, דַּעַת עֶלְיוֹן; מַחֲזֵה שַׁדַּי יֶחֱזֶה, נֹפֵל וּגְלוּי עֵינָיִם.	אֵימַר, דְּשָׁמַע מֵימַר מִן קֳדָם אֵל, וְיָדַע, מַדַּע מִן קֳדָם עִלָּאָה; חֵיזוּ מִן קֳדָם שַׁדַּי חָזֵי, שָׁכֵיב וּמִתְגְּלֵי לֵיהּ.
כד,יז אֶרְאֶנּוּ וְלֹא עַתָּה, אֲשׁוּרֶנּוּ וְלֹא קָרוֹב; דָּרַךְ כּוֹכָב מִיַּעֲקֹב, וְקָם שֵׁבֶט מִיִּשְׂרָאֵל, וּמָחַץ פַּאֲתֵי מוֹאָב, וְקַרְקַר כָּל-בְּנֵי-שֵׁת.	חֲזֵיתֵיהּ וְלָא כְּעַן, סְכֵיתֵיהּ וְלָא אִיתוֹהִי קָרִיב; כַּד יְקוּם מַלְכָּא מִיַּעֲקוֹב, וְיִתְרַבַּא מְשִׁיחָא מִיִּשְׂרָאֵל, וִיקַטֵּיל רַבְרְבֵי מוֹאָב, וְיִשְׁלוֹט בְּכָל בְּנֵי אֲנָשָׁא.
כד,יח וְהָיָה אֱדוֹם יְרֵשָׁה, וְהָיָה יְרֵשָׁה שֵׂעִיר--אֹיְבָיו; וְיִשְׂרָאֵל, עֹשֶׂה חָיִל.	וִיהֵי אֱדוֹם יְרֻתָּא, וִיהֵי יְרֻתָּא שֵׂעִיר--לְבַעֲלֵי דְּבָבוֹהִי; וְיִשְׂרָאֵל, יַצְלַח בְּנִכְסִין.
כד,יט וְיֵרְדְּ, מִיַּעֲקֹב; וְהֶאֱבִיד שָׂרִיד, מֵעִיר.	וְיֵיחוֹת, חַד מִדְּבֵית יַעֲקוֹב; וְיוֹבֵיד מְשֵׁיזֵיב, מִקִּרְיַת עַמְמַיָּא.
כד,כ וַיַּרְא, אֶת-עֲמָלֵק, וַיִּשָּׂא מְשָׁלוֹ, וַיֹּאמַר:  רֵאשִׁית גּוֹיִם עֲמָלֵק, וְאַחֲרִיתוֹ עֲדֵי אֹבֵד.	וַחֲזָא, יָת עֲמָלְקָאָה, וּנְטַל מַתְלֵיהּ, וַאֲמַר:  רֵישׁ קְרָבַיָּא דְּיִשְׂרָאֵל הֲוָה עֲמָלֵק, וְסוֹפֵיהּ לְעָלְמָא יֵיבַד.
כד,כא וַיַּרְא, אֶת-הַקֵּינִי, וַיִּשָּׂא מְשָׁלוֹ, וַיֹּאמַר:  אֵיתָן, מוֹשָׁבֶךָ, וְשִׂים בַּסֶּלַע, קִנֶּךָ.	וַחֲזָא, יָת שָׁלְמָאָה, וּנְטַל מַתְלֵיהּ, וַאֲמַר:  תַּקִּיף, בֵּית מוֹתְבָךְ, וְשַׁו בִּכְּרָךְ תַּקִּיף, מְדוֹרָךְ.
כד,כב כִּי אִם-יִהְיֶה, לְבָעֵר קָיִן--עַד-מָה, אַשּׁוּר תִּשְׁבֶּךָּ.	אֲרֵי אִם יְהֵי, לְשֵׁיצָאָה שָׁלְמָאָה--עַד מָא, אַתּוּרָאָה יִשְׁבֵּינָךְ.
כד,כג וַיִּשָּׂא מְשָׁלוֹ, וַיֹּאמַר:  אוֹי, מִי יִחְיֶה מִשֻּׂמוֹ אֵל.	וּנְטַל מַתְלֵיהּ, וַאֲמַר:  וָי, לְחַיָּבַיָּא דְּיֵיחוֹן כַּד יַעֲבֵיד אֱלָהָא יָת אִלֵּין.
כד,כד וְצִים מִיַּד כִּתִּים, וְעִנּוּ אַשּׁוּר וְעִנּוּ-עֵבֶר; וְגַם-הוּא, עֲדֵי אֹבֵד.	וְסִיעָן יִצְטָרְחָן מֵרוֹמָאֵי, וִיעַנּוֹן לְאַתּוּר וִישַׁעְבְּדוּן לְעֵבֶר פְּרָת; וְאַף אִנּוּן, לְעָלְמָא יֵיבְדוּן.
כד,כה וַיָּקָם בִּלְעָם, וַיֵּלֶךְ וַיָּשָׁב לִמְקֹמוֹ; וְגַם-בָּלָק, הָלַךְ לְדַרְכּוֹ.  {פ}	וְקָם בִּלְעָם, וַאֲזַל וְתָב לְאַתְרֵיהּ; וְאַף בָּלָק, אֲזַל לְאוֹרְחֵיהּ.  {פ}
כה,א וַיֵּשֶׁב יִשְׂרָאֵל, בַּשִּׁטִּים; וַיָּחֶל הָעָם, לִזְנוֹת אֶל-בְּנוֹת מוֹאָב.	וִיתֵיב יִשְׂרָאֵל, בְּשִׁטִּין; וְשָׁרִי עַמָּא, לְמִטְעֵי בָּתַר בְּנָת מוֹאָב.
כה,ב וַתִּקְרֶאןָ לָעָם, לְזִבְחֵי אֱלֹהֵיהֶן; וַיֹּאכַל הָעָם, וַיִּשְׁתַּחֲווּ לֵאלֹהֵיהֶן.	וּקְרַאָה לְעַמָּא, לְדִבְחֵי טָעֲוָתְהוֹן; וַאֲכַל עַמָּא, וּסְגִידוּ לְטָעֲוָתְהוֹן.
כה,ג וַיִּצָּמֶד יִשְׂרָאֵל, לְבַעַל פְּעוֹר; וַיִּחַר-אַף יְהוָה, בְּיִשְׂרָאֵל.	וְאִתְחַבַּר יִשְׂרָאֵל, לְבַעְלָא פְּעוֹר; וּתְקֵיף רֻגְזָא דַּייָ, בְּיִשְׂרָאֵל.
כה,ד וַיֹּאמֶר יְהוָה אֶל-מֹשֶׁה, קַח אֶת-כָּל-רָאשֵׁי הָעָם, וְהוֹקַע אוֹתָם לַיהוָה, נֶגֶד הַשָּׁמֶשׁ; וְיָשֹׁב חֲרוֹן אַף-יְהוָה, מִיִּשְׂרָאֵל.	וַאֲמַר יְיָ לְמֹשֶׁה, דְּבַר יָת כָּל רֵישֵׁי עַמָּא, וְדוּן וּקְטוֹל דְּחַיָּב קְטוֹל קֳדָם יְיָ, לָקֳבֵיל שִׁמְשָׁא; וִיתוּב תְּקוֹף רֻגְזָא דַּייָ, מִיִּשְׂרָאֵל.
כה,ה וַיֹּאמֶר מֹשֶׁה, אֶל-שֹׁפְטֵי יִשְׂרָאֵל:  הִרְגוּ אִישׁ אֲנָשָׁיו, הַנִּצְמָדִים לְבַעַל פְּעוֹר.	וַאֲמַר מֹשֶׁה, לְדַיָּנֵי יִשְׂרָאֵל:  קְטוּלוּ גְּבַר גֻּבְרוֹהִי, דְּאִתְחַבַּרוּ לְבַעְלָא פְּעוֹר.
כה,ו וְהִנֵּה אִישׁ מִבְּנֵי יִשְׂרָאֵל בָּא, וַיַּקְרֵב אֶל-אֶחָיו אֶת-הַמִּדְיָנִית, לְעֵינֵי מֹשֶׁה, וּלְעֵינֵי כָּל-עֲדַת בְּנֵי-יִשְׂרָאֵל; וְהֵמָּה בֹכִים, פֶּתַח אֹהֶל מוֹעֵד.	וְהָא גֻּבְרָא מִבְּנֵי יִשְׂרָאֵל אֲתָא, וְקָרֵיב לְוָת אֲחוֹהִי יָת מִדְיַנֵיתָא, לְעֵינֵי מֹשֶׁה, וּלְעֵינֵי כָּל כְּנִשְׁתָּא דִּבְנֵי יִשְׂרָאֵל; וְאִנּוּן בָּכַן, בִּתְרַע מַשְׁכַּן זִמְנָא.
כה,ז וַיַּרְא, פִּינְחָס בֶּן-אֶלְעָזָר, בֶּן-אַהֲרֹן, הַכֹּהֵן; וַיָּקָם מִתּוֹךְ הָעֵדָה, וַיִּקַּח רֹמַח בְּיָדוֹ.	וַחֲזָא, פִּינְחָס בַּר אֶלְעָזָר, בַּר אַהֲרוֹן, כָּהֲנָא; וְקָם מִגּוֹ כְּנִשְׁתָּא, וּנְסֵיב רֻמְחָא בִּידֵיהּ.
כה,ח וַיָּבֹא אַחַר אִישׁ-יִשְׂרָאֵל אֶל-הַקֻּבָּה, וַיִּדְקֹר אֶת-שְׁנֵיהֶם--אֵת אִישׁ יִשְׂרָאֵל, וְאֶת-הָאִשָּׁה אֶל-קֳבָתָהּ; וַתֵּעָצַר, הַמַּגֵּפָה, מֵעַל, בְּנֵי יִשְׂרָאֵל.	וְעָאל בָּתַר גֻּבְרָא בַּר יִשְׂרָאֵל לְקֻבְּתָא, וּבַזַּע יָת תַּרְוֵיהוֹן--יָת גֻּבְרָא בַּר יִשְׂרָאֵל, וְיָת אִתְּתָא בִּמְעַהָא; וְאִתְכְּלִי, מוֹתָנָא, מֵעַל, בְּנֵי יִשְׂרָאֵל.
כה,ט וַיִּהְיוּ, הַמֵּתִים בַּמַּגֵּפָה--אַרְבָּעָה וְעֶשְׂרִים, אָלֶף.  {פ}	וַהֲווֹ, דְּמִיתוּ בְּמוֹתָנָא--עַסְרִין וְאַרְבְּעָא, אַלְפִין.  {פ}